Álı Altynbaev QR Qarjy mınıstrliginiń Memlekettik kirister komıtetiniń tóraǵasy bolyp taǵaıyndaldy, dep habarlaıdy Egemen.kz.
Álı Altynbaev 1979 jyly Almaty oblysynda dúnıege kelgen. Qazaq memlekettik basqarý akademııasyn, Turan ýnıversıtetin, RF Prezıdenti janyndaǵy Reseı halyq sharýashylyǵy jáne memlekettik basqarý akademııasyn támamdaǵan. Mamandyǵy boıynsha biliktiligi: býhgalterlik esep jáne aýdıt, quqyqtaný, memlekettik jáne mýnısıpaldy basqarý magıstri.
Eńbek jolyn 2001 jyly Eńbekshiqazaq aýdany boıynsha Salyq komıtetiniń janama salyqtar bóliminiń salyq ınspektorynyń m. a. qyzmetinen bastaǵan. 2001-2009 jyldary Eńbekshiqazaq aýdany boıynsha Salyq komıtetinde túrli qyzmetter atqarǵan. 2009-2010 jyldary — Almaty oblysy boıynsha Salyq departamentiniń Salyq aýdıti basqarmasy zańdy tulǵalar aýdıti bóliminiń basshysy.
2010 jyly Almaty qalasy Túrksib aýdany boıynsha Salyq basqarmasynyń jeke kásipkerlerdiń aqparatyn qabyldaý jáne óńdeý ortalyǵynyń bólim basshysy.
2010-2014 jyldary Almaty qalasy boıynsha Salyq departamentinde túrli laýazymdardy atqarǵan.
2014-2015 jyldary Almaty qalasy boıynsha Memlekettik kirister departamentinde basshylyq qyzmetter atqarǵan.
2015-2017 jyldary Almaty qalasy Alataý aýdany boıynsha Memlekettik kirister basqarmasynyń basshysy.
2017-2019 jyldary Almaty qalasy Naýryzbaı aýdany boıynsha Memlekettik kirister basqarmasynyń basshysy.
2019-2020 jyldary QR QM MKK Almaty qalasy boıynsha Memlekettik kirister departamenti basshysynyń orynbasary.
2020-2021 jyldary QR QM Qarjy monıtorıngi komıteti Almaty qalasy boıynsha Ekonomıkalyq tergeý departamentiniń basshysy.
2021 jylǵy naýryzdan bastap qazirgi ýaqytqa deıin QR Qarjy monıtorıngi agenttiginiń Almaty qalasy boıynsha Ekonomıkalyq tergeý departamentiniń basshysy qyzmetin atqardy.