Bul kúnderi Italııa tasjoldarynda velosporttan dástúrli «Djıro d’Italııa» kópkúndigi ótip jatyr. Jarystyń alǵashqy úsh kezeńiniń qorytyndysy boıynsha Astana – Premier Tech komandasynyń eń úzdik nátıjesi Aleksandr Vlasovqa tıesili.
Bıelle qalasynan bastalǵan aıtýly jarystyń úshinshi kezeńi Kanale qalasynda márege jetti. 190 shaqyrymǵa sozylǵan qashyqtyqty eń birinshi bolyp pelotonnan sýyrylyp shyqqan 27 jastaǵy Intermarche-Wanty-Gobert Materiaux komandasynyń ókili nıderlandtyq Tako van der Horn baǵyndyrdy. Ol bul aralyqty 4 saǵat 21mınýt 29 sekýndta júrip ótti. Ekinshi jáne úshinshi oryndardy jeńimpazdan tórt sekýndqa qalyp qoıǵan ıtalııalyq Davıde Kımolaı (Israel Start-Up Nation) men slovakııalyq Peter Sagan (Bora-hansgrohe) ıelendi. Astana – Premier Tech sapynan bul kezeńde ıtalııalyq Fabıo Fellın úzdik boldy. Fabıo máre syzyǵyn 17-shi bolyp kesti.
Úsh kezeńniń qorytyndysy boıynsha jalpy esepte INEOS Grenadiers komandasynyń veloshabandozy Fılıppo Ganna 8 saǵat 51 mınýt 26 sekýnd ýaqyt kórsetkishimen kósh bastap tur. Keıingi oryndarǵa Jumbo – Visma ókili Tobıas Svendsen (16 sekýnd) jáne Deceuninck – Quick Step sportshysy Remko Evenepoel (20 sekýnd) jaıǵasqan. Al Gannadan 27 sekýndqa keıin turǵan Aleksandr Vlasov 7-orynda keledi.