Stýdentterdiń sóz saıysy

Aıtysty atalǵan joǵary oqý ornynyń Teleradıo jáne qoǵam­men baılanys kafedrasynyń meń­gerýshisi, aqyn Serikzat Dúısenǵazın júrgizip otyrdy.

Aýyzdyǵymen alysqan jas júı­rik­terdiń ónerin Amanjol Áltaı, Dáý­letkereı Kápuly, Iranǵaıyp Kúzem­baev, Erkebulan Qaınazarov sekildi elimizge tanymal aıtysker­ler­men birge ýnıversıtettiń kásip­odaq uıymynyń tóraǵasy Maqsat Aralhanov sarapqa saldy.

Tórt saǵatqa sozylǵan dúbirli doda tartysqa toly boldy. Jas aqyn­dar elimizdiń ótkeni men ke­le­shegin, muńy men qýanyshyn kór­kem sózben órnektedi. Qazaqy qal­jyńnyń da túbin túsirdi.

Sonymen elimizdiń ár óńirindegi joǵary oqý oryndarynyń úkilep jibergen aqyndary jınalǵan báıgede bas júldeni − Qorqyt ata atynda­ǵy Qyzylorda ýnıversıtetiniń stýden­ti Beksultan Orynbasarov jeńip aldy. Birinshi oryndy Qazaq ult­tyq óner ýnıversıtetiniń stýdenti Tóre­han Sovet ıelense, ekinshi oryn − H.Dos­muhamedov atyndaǵy Aty­raý ýnı­versıtetiniń stýdenti Fa­rıza Jet­pisbaevaǵa buıyrdy. Úshin­shi oryn­dy Qazaq ulttyq óner ýnı­ver­sıtetiniń stýdenti Muhıt Baba­qul qanaǵat tutty.

Sondaı-aq qatysýshylarǵa jú­ldeden bólek, elordanyń rýhanı ortasyna aınalǵan L.N.Gýmılev atyn­daǵy Eýrazııa ýnıversıtetinde qyz­met istep, shákirt tárbıelegen, búginde aramyzda joq, halqymyzdyń ardaqty azamattary atynan alty atalym taǵaıyndaldy. Aıtalyq, Rymǵalı Nurǵalı atyndaǵy arnaıy júlde M.Áýezov atyndaǵy Ońtústik Qazaqstan memlekettik ýnı­versıtetiniń stýdenti Ardaq Oryn­bekke berilse, Dúráli Dúı­sebaı atyndaǵy júldeni M.О́te­misov atyndaǵy Batys Qazaqstan ýnı­ver­sıtetiniń stýdenti Ádil Ah­metov aldy. Myrzataı Serǵalıev atyn­­daǵy júldeni Pavlodar pe­da­gogıkalyq ýnıversıtetiniń stý­denti Jumáli Mızam ıelense, Náý­bat Qalıev atyndaǵy júl­dege L.N.Gýmı­lev atyndaǵy Eýra­­zııa ulttyq ýnı­versıtetiniń stý­­denti Muhtar Ulǵas­baev la­ıyq­ty dep tanyldy. Aqseleý Seı­dim­bek atyndaǵy júlde E.A.Bóke­tov atyn­daǵy Qaraǵandy memlekettik ýnı­ver­sıtetiniń stýdenti Jandos Baqyt­­ulyna buıyrsa, Myrzageldi Kemel atyndaǵy júlde L.N.Gýmı­lev atyn­­­daǵy Eýrazııa ulttyq ýnı­­ver­­sı­te­tiniń stýdenti Erasyl Baı­men­­taevke tabys etildi.

Sonymen qatar aıtysqa qoldaý kórsetken Qazaqstandyq salalyq bilim jáne ǵylym qyzmetkerleriniń kásipodaǵy barlyq jas aqyndy ba­ǵaly syılyqpen marapattady.