13 mamyr kúni Qazaqstan Respýblıkasy Sybaılas jemqorlyqqa qarsy is-qımyl agenttiginiń tóraǵasy Marat Ahmetjanov Nur-Sultan qalasyndaǵy EQYU baǵdarlamalar Ofısiniń jańa Basshysy Folker Frobartpen kezdesti, dep habarlaıdy Egemen.kz.
О́z sózinde M.Ahmetjanov EQYU Ofısiniń Basshysyn «ekivektorly» baǵytta damyp kele jatqan eldiń qylmystyq zańnamasyn reformalaý týraly egjeı-tegjeıli habardar etti. Onyń aıtýynsha, búginde elimizde bir jaǵynan, qaýipti emes qylmystardy alǵash ret jasaǵandarǵa Zańnyń repressıvtiligi tómendedi, ekinshi jaǵynan, aýyr, qaýipti qylmystar úshin jaýapkershilik kúsheıtildi.M.Ahmetjanovtyń aıtýynsha, ekivektorly tujyrymdama sybaılas jemqorlyqqa qarsy júıege de qoldanylady. Atap aıtqanda, aldyn alý jumystary kúsheıtilip, sybaılas jemqorlyq qylmystary úshin jaza qataıtyldy. Aldyn alý quraldaryn qoldanýdy keńeıtý aıasynda sońǵy jyldary birqatar mańyzdy zańnamalyq sharalar qabyldandy. Qaramaǵyndaǵy qyzmetkerlerdiń sybaılas jemqorlyq úshin basshylardyń otstavkasy jáne tártiptik jaýapkershiligi ınstıtýty engizildi, NQA jobalarynyń sybaılas jemqorlyqqa qarsy saraptamasy qalpyna keltirildi, sybaılas jemqorlyq faktileri týraly habarlaǵan azamattardy kótermeleý júıesi bekitilgennen dıffırensıaldyǵa ózgertildi, kvazımemlekettik sektordaǵy komplaens-qyzmetterdiń mindettiligi bekitildi. Zańnamany odan ári jetildirý týraly aıta kele, Agenttik Tóraǵasy qazirgi ýaqytta Memleket basshysynyń tapsyrmasyna sáıkes elimizde qylmystyq prosestiń úsh býyndy modeline birtindep kóshý bastalǵanyn atap ótti. Bastapqy kezeńde prokýrormen negizgi is júrgizý sheshimderin kelisý engizildi, bul M. Ahmetjanovtyń aıtýynsha, azamattardyń quqyqtaryn buzý jaǵdaılaryn, sondaı-aq qylmystyq is júrgizý sheńberine tartylatyn adamdardyń sanyn qysqartady.Jalpy, Antıkor basshysynyń pikirinshe, júrgizilip jatqan saıasat óz nátıjesin berýde. Buǵan Qazaqstannyń halyqaralyq reıtıngterdegi baǵasy da dálel. Naqty aıtqanda, sybaılas jemqorlyqty qabyldaý Indeksinde Qazaqstan alǵash ret 38 ball jınap, 19 pozısııaǵa (133-ten 94-orynǵa deıin) kóterildi. Kezdesý sońynda taraptar odan ári ekijaqty ózara is-qımyl úshin ortaq baǵyttardy belgiledi.