Buǵan deıin Aqtaý qalasynyń turǵyny mádenıet úıiniń jaǵdaıyna alańdaýshylyq bildirgen edi. Abaı atyndaǵy mádenıet úıiniń dırektory ǵımarattyń aıanyshty jaǵdaıyn túsindirip berdi, dep habarlaıdy Egemen.kz lada.kz saıtyna silteme jasap.
Aqtaý turǵynynyń aıtýynsha, jaqynda jaýǵan jańbyrdan keıin ǵımarattyń tóbelerinde tesikter paıda bolǵan.
- Keńseniń tóbeleri jaǵalaı tesik. Onda balalarymyz qalaı júrgen? Jańbyr jaýǵanda qalalyq kitaphananyń tóbesinen edenge jáne kitaptarǵa sý tamshylaıdy. Budan bólek baspaldaqtardyń balalar ustaıtyn qorshaýlary erekshe nazar aýdarýdy qajet etedi. Baspaldaqtyń qorshaýy selkildep tur, ony symmen bekitken bolypty... Balalar qulap ketýi múmkin ǵoı, - dep shaǵymdanady ata-ana.
Abaı mádenıet úıi dırektorynyń aıtýynsha, jaqyn arada qorshaýlar aýystyrylady.
- Mundaı máselelerdiń bar ekenin jasyrmaımyn. Kompanııamen qorshaýlardy aýystyrý týraly kelisimshart bar jáne olar jaqyn arada jumysqa kirisedi. Apatty jaǵdaı bolmas úshin ýaqytsha symmen baılanystyryp qoıdyq. Tóbege keletin bolsaq, jańbyr kezinde demalys bazasynyń qyzmetkerlerimen birge múlikti múmkindiginshe saqtaý jáne ishindegi sýdyń aǵyp ketýine jol bermeý úshin barlyq quraldardy qoldandym. Mádenıet saraıyna kúrdeli jóndeý men taǵaıyndalǵanǵa deıin júrgizilgen. Endi biz kompanııanyń aqaýly akt jasaıtynyn kútemiz, sodan keıin shatyry men qabyrǵalaryn jóndeýge qarjy suraımyz, - deıdi mádenıet úıiniń dırektory Ámirhan Qulbaev.
Aıta keteıik, Abaı atyndaǵy mádenıet úıindegi kúrdeli jóndeý 2014 jyly júrgizilgen. Jóndeý jumystaryna bıýdjetten 397 mln teńge bólingen. Barlyq jumys prosesin mádenıet úıiniń eks-dırektory Iýrıı Dırr basqarǵan.