Atyraý qalasynda búgin Ekinshi dúnıejúzilik soǵysyna qatysqan Aıdyn Aıbarov 100 jasqa qaraǵan shaǵynda ómirden ozdy, dep habarlaıdy Egemen.kz
«Maıdangerdiń jasy bıyl júzge qarap edi. Ǵasyr jasaǵan aqsaqal byltyr tyń bolatyn. О́tkende ǵana Jeńis kúnimen quttyqtaı barǵanda, sál syrqattanyp jatqan edi... Aıdyn aqsaqal ot pen oqtyń ortasynan oralǵan soń bar ǵumyryn eldiń damýyna arnady. Laýazymdy qyzmetter atqaryp, jastarǵa úlgi-ónege kórsetti. Bar tilegi -Táýelsiz eliniń máńgi bolyp, urpaǵynyń beıbit ómir súrýi bolatyn. Sizdiń erligińiz, órligińiz, ǵıbratty ǵumyryńyz tarıh bolyp jazyldy. El jadynda jańǵyra beredi! Baqul bolyńyz, halyqtyń ardaqty uly», dep jazdy Facebook paraqshasynda oblys ákimi Mahambet Dosmuhambetov.
Aıdyn Aıbarov 1921 jyly 16 qazan kúni maqat aýdany Dossor poselkesinde dúnıege kelgen. О́z erkimen maıdanǵa attanyp, Chkalov pen Permdegi ushqyshtar daıarlaıtyn ýchılıshelerde oqyp shyǵady. Bitirgennen keıin 49 ushqyshtar polkynda, 956 avıasııalyq polkynda barlaýshy ushqysh bolady.
Soǵystan keıin Belorýssııa men Prýssııany azat etýge qatysyp, elge 1947 jyly oralady. Ekinshi dárejeli «Dańq» ordenimen, «Otan soǵysy» ordenimen marapattalǵan. Týǵan jerine kapıtan shenin alyp kelgennen keıin eńbek jolyn oblystyq «Sosıalıstik Qurylys» (búgingi «Atyraý») gazetinde ádebı qyzmetker bolyp jalǵastyrady. Keıin qalalyq partııa komıtetiniń ekinshi hatshysy, qalalyq atqarý komıtetiniń tóraǵasy qyzmetterin atqaryp, birneshe kásiporynnyń partııa qyzmetetrine jetekshilik etip, óńirdiń damýyna kóp kúsh-jiger jumsap, atsalysty. Bıyl Atyraý oblysyndaǵy Jeńis kúnin eki ardagerdiń qarsy alyp otyrǵanyn jazǵan bolatynbyz. Byltyr ǵana olardyń sany segiz bolatyn.