Halyq ártisi Bıbigúl Tólegenova vaksına alǵannan keıingi jaǵdaıyn aıtyp berdi, dep habarlaıdy Egemen.kz.
Bıbigúl Tólegenova «Spýtnık-V» vaksınasynyń eki komponentin de alǵan. Ol vaksınanyń ekinshi dozasyn 14 mamyrda saldyrǵanyn aıtty.
«Men 14 mamyrda vaksınanyń ekinshisin saldyrdym. Qudaıǵa shúkir esh jerim aýryǵan da joq, eshteńe sezgem de joq», dedi Bıbigúl Tólegenova.
Sondaı-aq tanymal opera ánshisi qazir eldegi jaǵdaı qıyn ekenin aıtyp, búkil halyqty jumyla otyryp vaksına alýǵa shaqyrdy.
Aıta keteıik, buǵan deıin Bıbigúl Tólegenovanyń «Spýtnık-V» vaksınasyn saldyrǵany habarlanǵan bolatyn. Bul týraly jýrnalıst Tursyn Qalımova facebook-tegi paraqshasynda jazǵan edi.