QHA jáne etnomádenı birlestikter músheleri kezdesti

Alqaly jıyndy ashqan Qa­zaq­stan halqy Assambleıasy Tór­aǵasynyń orynbasary – Prezıdent Ákimshiligi QHA Hatshylyǵynyń meńgerýshisi Marat Ázilhanov «Qazaqstan Respýblıkasy Táýel­sizdiginiń 30 jyldyǵyna arnalǵan Qazaqstan halqy Assambleıasynyń HHIH sessııasy Qazaqstannyń Tuńǵysh Prezıdenti – Elbasy Nur­sultan Nazarbaevtyń beıbitshilik pen kelisim saıasatyn damytýǵa ja­ńa serpin berdi», dep atap ótti. Sonymen birge Assambleıa men etnomádenı birlestikterge ja­ńa mindetter júktelip otyrǵan kezeń­de beıbitshilik pen kelisim saıasatyna baǵyt-baǵdar kórsetetin ári tıimdiligin arttyrýǵa baǵyttalǵan máselelerge toqtaldy.

Is júzinde Assambleıaǵa eldiń jańa ımıdjin jáne ulttyń jańa bire­geıligin qalyptastyrýǵa úles qosý, Assambleıanyń tıim­di­li­gin arttyrý boıynsha shara­lar qabyldaý, qoǵamdyq dıplomatııa­ny damytý, dostyq elshi­leri­niń korpýsyn keńeıtý sııaqty min­det­ter júktelip otyr. Osy oraıda QHA mekemeleri kez kelgen ýaqytta is-qımyl kezeń­derine da­ıyn bolýy kerek.

Jıyn barysynda sóz alǵan  Aqparat jáne qoǵamdyq damý mınıstrligi Etnosaralyq qaty­nas­­tardy damytý komıtetiniń tór­­aǵasy Ǵalym Shoıkın respýblıkada etnosaralyq kelisim men jalpyulttyq birlikti qamtamasyz etý komıtet qyzmetindegi mańyzdy baǵyt ekendigin atap ótti. Osy oraı­­da komıtetke júktelgen jaýap­­ker­shilik te joǵary. Búginde ob­lys­tyq ishki saıasat organ­dary­nyń qurylymynda etnos­ara­lyq qatynastardy damytý bo­­ıynsha bólimder qurylǵan. Bul óz kezeginde til máselesi, jas­tar saıasaty, úkimettik emes uıym­dar men aqparattyq salada ózara yq­pal­dastyqty damytýǵa múm­kindik beredi. Búginde etnos­aralyq qa­tynastardy damytý sa­lasyn­daǵy memlekettik saıasatty jú­zege asyrý men Assambleıa qyz­­metin qamtamasyz etip otyr­ǵan «Qo­ǵamdyq kelisim» RMM qyz­me­tine toqtalǵan dırektor Erbol Shá­ýenov bıyl atqarylatyn mańyzdy máselelerdi atap ótti.

Kezdesý barysynda Qazaqstan halqy Assambleıasy tóraǵasynyń orynbasary Z.Kýzıev, Parlament Májilisiniń depýtaty, «Barbang» Qazaqstan kúrdteri qaýymdastyǵy tóraǵasynyń orynbasary V.Ná­bıev, Parlament Májilisiniń de­pýtaty A.Hamedov, sonymen birge  etnomádenı birlestikterdiń jetekshileri QHA HHIX sessııa­synda Assambleıany basqarý quqy­ǵynyń Tuńǵysh Prezıdent – El­basy N.Á.Nazarbaevtan Prezıdent Q.Toqaevqa aýysýynyń mańyzdy saıa­sı nátıje ekendigin atap ótti. Bul qadam strategııalyq sabaq­tas­tyqty, QHA úshin de, etnostyq birlestikter úshin de jańa min­detter júkteıdi. Osy oraıda et­nomádenı birlestikterdiń respýb­lıkalyq, aımaqtyq jáne jergi­likti kóshbasshylary úshin naqty baǵdar retinde jumys strategııalary men is-sharalar josparlary osyǵan sáıkes túzetiletin bolady.

Kezdesýge qatysýshylar etno­má­denı birlestikterdiń QHA HHIH sessııasynyń nusqaý­la­ryn júzege asyrýdaǵy róli men min­detterine, halyqtyń ózekti áleý­­mettik máselelerin sheshýge, qa­ıyrymdylyq pen erikti­lerdiń naqty jobalaryn, ekolo­gııalyq ak­sııalar ótkizý, órt­ten zardap shekken Rıdder qala­synyń tur­ǵyn­daryna QHA tara­pynan kór­setilgen kómek bary­syna toq­taldy. Sondaı-aq kez­desý sheń­berinde etnomádenı birles­tik­termen ózara is-qımyldyń ózek­ti tustary, Aqparat jáne qoǵam­dyq damý mınıstrligi men «Qoǵam­dyq kelisim» RMM-nyń ult­ara­lyq qatynastar, sondaı-aq As­sam­bleıanyń respýblıkalyq etno­mádenı birlestiktermen birles­ken jobalaryn júzege asyrý máseleleri qarastyryldy.

ALMATY