Shymkent qalasynda turǵyndardy sapaly ınternetpen qamtamasyz etý baǵytynda júıeli jumystar jalǵasýda. Murat Áıtenovtiń tapsyrmasyna oraı, ınternetke qoljetimdilikti qamtamasyz etýdiń birinshi kezeńi aıaqtalyp, qalanyń 11 jerine baılanys antennalary ornatylǵan. Bul týraly qalalyq sıfrlandyrý basqarmasyna silteme jasap Egemen.kz habarlaıdy.
Mamandardyń aıtýynsha, qala aýmaǵyn sapaly ınternetpen qamtamasyz etýdiń ekinshi kezeńine sáıkes 14 jer telimi anyqtalǵan. Belgilengen 8 jerge ákimdik, «Shymkent» áleýmettik kásipkerlik korporasııasy jáne jeke ınvestormen birlese antenna-matchtalyq qurylǵylar, qalǵan 6 jerge mobıldi baılanys operatorlary tarapynan kommersııalyq obektilerge bazalyq stansııalardy ornatý jumystary júrgizilýde.
Olardyń ishinde: A2 jáne R-32 trassasy, aeroport mańy, «226 oram», «Soltústik-Batys», «Qaınar bulaq» saıajaı alaby men «Tassaı», «Qursaı», «Samal-3», «Yntymaq-2», «Dostyq», «Asar» shaǵyn aýdandary jáne «Zabadam», «Abdýlabad» turǵyn alaptary bar.
«Qazirgi tańda, «Yntymaq-2» shaǵyn aýdanyna antenna-matchtalyq qurylǵy ornatylyp elektr-energııasyna jalǵaý jumystary júrgizilse, «Tassaı» eldi mekenine merdiger kompanııa tarapynan antenna-matchtalyq qurylǵy ornatylýda. Alaıda turǵyndar tarapynan radıofobııaǵa baılanysty ártúrli qaýeset sózderdi estý arqyly bazalyq stansııanyń ornatylýyna qarsylyqtar bildirýde», dedi basqarma mamandary.
Salalyq mamandar qala turǵyndaryna bazalyq stansııa páter, jeke jer úı turǵyndaryna esh zııany joq ekendigin málimdedi. Olardyń aıtýynsha, bazalyq stansııanyń tolqyny, úıde kúnde turmysta qoldanatyn qysqa tolqyndy peshtiń tolqyny kóleminde. Bazalyq stansııalar barlyq bekitilgen sanıtarlyq-epıdemıologııalyq normalarǵa saı ornatylady. Bul tehnologııa barlyq elderde qoldanylýda.