Ortalyq kommýnıkasııalar qyzmetinde ótken brıfıngte QR sıfrlyq damý, ınnovasııalar jáne aeroǵarysh ónerkásibi vıse-mınıstri Áset Turysov Ashyq-taǵy aqaý úshin keshirim surady, dep habarlaıdy Egemen.kz.
«Sońǵy kúnderi júıede bolǵan aqaýlar men tehnıkalyq problemalarǵa qatysty azamattardan keltirilgen qolaısyzdyqtar men tehnıkalyq problemalar úshin komandamen birge keshirim suraǵym keledi. Nege bulaı boldy? Buǵan deıin aıtyp ótkenimdeı, memleket «Ashyq» júıesin qabyldady, biz múliktik quqyqtardy aldyq, sondyqtan sońǵy kúnderi tolyq súıemeldeýge kóshý jáne «UAT» AQ operatoryna beıimdelý boldy. Endi tehnıkalyq máseleni bizdiń ulttyq operator qadaǵalaıtyn bolady», dedi spıker.
Budan bylaı tehnıkalyq mamandar júıeni súıemeldep, tolyqtaı basqarady. Sonymen qatar, mobıldi qosymsha únemi jańartylyp otyrady. 18 mamyrdan bastap Android-te jańa nusqa iske qosyldy, onda QR-kodty skanerlemeı-aq óz mártebeńizdi tekserýge bolady.
«Bógde adamnyń JSN engizý múmkindigin boldyrmaý úshin «Ashyq» mobıldi azamattar bazasymen biriktirilgen. Salystyrý júrgizilýde. Eger basqa bireýdiń JSN engizseńiz jáne ol e-gov derekterine sáıkes kelmese, biraq nómirge sáıkes kelse, azamattardan e-gov mobile júktep, osy qosymshadan sáıkestendirýdi suraımyn. Azamattarǵa arnalǵan mártebe qosymshasynda bolý úshin vaksınasııa pasporty qyzmetimen biriktirý boıynsha jumys jalǵasýda. Jaqyn arada iske asyrylady dep oılaımyn», dep sendirdi vıse-mınıstr.
Al azamattar bir qosymshaǵa táýeldi bolmas úshin AITU qosymshasynda balama bar, servıs basqa tanymal mobıldi qosymshalar men saıttarda qoljetimdi bolýy úshin ekinshi deńgeıdegi banktermen kelissózder júrgizilýde.