Shyǵys Qazaqstan oblysynyń aýmaǵynda «Qaýipsiz jol» jedel aldyn alý is-sharasy bastaldy, dep habarlaıdy Egemen.kz.
Jazǵa salym kólik aǵyny kóbeıedi. Polıseıler bir aı boıy jol-kólik oqıǵalarynyń aldyn alý úshin qala syrtyndaǵy trassalarda kúsheıtilgen rejımde jumys isteıtin bolady.
Ásirese, mas kúıde kólik tizginine otyrǵandar, jyldamdyqty arttyrǵandar, qarsy jolaqqa shyǵyp, apattyq jaǵdaı týyndatqandarǵa erekshe nazar aýdarylady. Jedel aldyn alý is-sharasyn júrgizýdiń bes kúninde ǵana 7 345 ákimshilik quqyq buzýshylyq anyqtaldy. Atap aıtsaq, 30 júrgizýshi qarsy jolaqqa shyqsa, 514-i jyldamdyqty asyrǵan. Mas kúıde rólge otyrý da tyıylmaı tur. Bes kúni ishinde ishimdik iship kólik basqarǵan 47 azamat anyqtaldy. Sondaı-aq, jaıaý júrginshilerge jol bermegender, kólik tizgininde telefon paıdalanǵandar da bar.
«Qaýipsiz jol» aldyn alý jumystary áli de jalǵasady. Osy oraıda Polısııa departamenti qyzmetkerleri jol qozǵalysynyń barlyq qatysýshylarynan jol qozǵalysy erejelerin saqtaýdy jáne joldarda óte muqııat bolýdy suraıdy.