Qoǵamdyq kommýnıkasııa ortalyǵynda ótken brıfıngide Túpqaraǵan aýdanynyń ákimi Aıbek Qosýaqov el Táýelsizdiginiń 30 jyldyǵy qarsańynda Túpqaraǵan aýdanynda 4 balabaqsha salynatynyn, onyń úsheýi Saıyn Shapaǵatov aýyldyq okrýginde, bireýi Aqshuqyr aýylynda boı kóteretinin málim etti, dep habarlaıdy Egemen.kz
Ákimniń aıtýynsha, aýdanda 22 balabaqsha bar. 11-i memlekettik, taǵy 11-i – jekemenshik bóbekjaı.
«Budan bólek, el Táýelsizdiginiń 30 jyldyǵy aıasynda Baýtın jáne Aqshuqyr aýyldarynan sport kesheni salynady. Jeke ınvestor qarajaty esebinen Qyzylózen aýylynan 1 sport kesheni paıdalanýǵa beriledi. Aıta ketý kerek, aýdanda buqaralyq sport keńinen nasıhattalady. Túpqaraǵan aýdanynda 14 ashyq sport alańy, 5 fýtbol alańy, 5 kóshe trenajeri bar», dedi Aıbek Qosýaqov.