2021 jyldyń 4 maýsymynda Ekologııa, geologııa jáne tabıǵı resýrstar mınıstriniń elektr kólikterine, elektr avtobýstaryna jáne elektr júk kólikterine qatysty kádege jaratý tólemin esepteý úshin nóldik koeffısıentti belgileý týraly buıryǵy kúshine enedi, dep habarlaıdy Egemen.kz.
«Endi Qazaqstan Respýblıkasy aýmaǵyna elektr kólikterin, elektr avtobýstardy nemese elektr júk mashınalaryn ákelý kezinde kólik quraly úshin kádege jaratý tólemi talap etilmeıdi. Bul bastamany О́KM Operatory 2020 jyly usynǵan bolatyn. Osy másele jan-jaqty pysyqtalyp, talqydan ótken soń, QR ekologııa, geologııa jáne tabıǵı resýrstar mınıstri Maǵzum Myrzaǵalıev resmı qujatqa 2021 jyldyń 13 mamyrda qol qoıdy», dep habarlady О́ndirýshilerdiń keńeıtilgen mindettemeleri operatory.
Buǵan deıin M1 sanatyndaǵy elektr qozǵaltqyshy bar avtomobıl úshin kádege jaratý tólemi 437 550 teńge, M2, M3 sanaty úshin 1 166 800 teńge bolǵan edi. Júk kólik quraldary úshin kádege jaratý tóleminiń mólsheri 1 020 950 teńgeden bastaldy.
«Qazaqstan avtomobıl bıznesi qaýymdastyǵynyń aqparaty boıynsha, búginde elimizde 422 elektr kóligi tirkelgen. Ekologııa mınıstrligi bul sharalar Qazaqstanda elektromobıl óndirisin yntalandyrýǵa, ekologııalyq taza kólik quraldaryn satyp alýǵa suranysty arttyrady dep esepteıdi. Qazirgi ýaqytta О́KM Operatory elektr qýattaý stansalarynyń ınfraqurylymyn damytý jobasy aıasynda Nur-Sultan jáne Almaty qalalarynda jáne Nur-Sultan-Býrabaı baǵytynda 103 jyldam elektr qýattaý stansalaryn ornatýdy aıaqtady», deıdi О́KM operatory.