Aıda Balaeva halyqqa esep berý kezdesýinde byltyr mınıstrlik úshin aqparattyq-ıdeologııalyq jumys saladaǵy negizgi baǵyttyń sabaqtastyǵyn bekitip qana qoımaı, sonymen qatar jańa bastamalardy iske asyrýǵa bastaý bolǵanyn aıtty, dep habarlaıdy Egemen.kz.
«О́zderińiz biletindeı, ótken 2020 jyl bizdiń buqaralyq aqparat quraldary úshin óte qıyn jyl boldy. Jarnamalyq kiristerdiń shektelýine baılanysty BAQ úlken qarjylyq qıyndyqtarǵa tap boldy. Sondyqtan birinshi kezekte biz daǵdarystyń saldaryn joıý boıynsha júıeli jumysqa kiristik. Prezıdenttiń tapsyrmasy boıynsha jáne Úkimettiń qoldaýymen kóptegen jeke BAQ óz jumysyn jalǵastyrýǵa múmkindik aldy», dedi mınıstr.
Qysyltaıań kezeńde kommersııalyq BAQ salyq tóleýden jáne eńbekaqy qoryna salynatyn mindetti aýdarymdardan bosatylǵan.
2020 jylǵy 1 sáýir men 1 qazan aralyǵynda 67 kommersııalyq telearna men radıoarna, 2020 jylǵy 1 shilde men 31 jeltoqsan aralyǵynda balama jáne efırlik sıfrlyq teleradıo habarlaryn taratý qyzmetterine aqy tóleýden bosatylǵan.
«Jalpy, 2020 jyly memlekettik aqparattyq saıasatty iske asyrý 88 BAQ (11 tele jáne radıoarna, 40 basylym jáne 37 ınternet-resýrs) arqyly tabysty júzege asyryldy. Olardyń kúshimen COVID-2019-ǵa qarsy is-qımyl jáne ınfeksııany taralmaýy jónindegi sharalardy aqparattyq túsindirý boıynsha aýqymdy jumys júrgizildi. 250-den astam beınerolık shyǵaryldy. «El arna» jáne «Balapan» telearnalarynyń efırinde «onlaın sabaqtar» kórsetilimi qamtamasyz etildi. Bul balalarymyzǵa ınfeksııa juqtyrý qaýipinsiz úzdiksiz bilim alýyna múmkindik berdi», dedi vedomstvo basshysy.