Qazaqstandyq tennısshiler Denıs Evseev pen Tımofeı Skatov Oeırash (Portýgalııa) chellendjer týrnırin sátti bastady, dep habarlaıdy Egemen.kz QTF baspasóz qyzmetine silteme jasap.
Denıs Evseev bastapqy kezdesýin horvatııalyq Nıno Serdarýshıchpen ótkizdi. Qazaqstandyq tennısshi 1 saǵat 40 mınýtqa sozylǵan matchta 6:4, 7:5 esebimen jeńiske jetti. Denıs Evseev 10 breık-poınttyń altaýyn paıdalana bildi. Ol kelesi aınalymda portýgalııalyq Nýno Borgespen kezdesedi.
Tımofeı Skatov alǵashqy aınalymda Nıderlandy ókili Igor Sııslıngti 2:6, 6:2, 7:6 (7:4) esebimen utty. Tartysty báseke 2 saǵat 14 mınýtqa sozyldy. Tımofeı Skatov 8 breık-poınttyń teń jartysyn óz paıdasyna jazdy. Ol shırek fınalǵa shyǵý úshin taǵy bir portýgalııalyq Gonsalý Olıveıramen sheberlik baıqasady.