Aqtóbede júk jáne jeńil kólik soqtyǵysyp, jaıaý júrginshiler jolyndaǵy kisi kóz jumdy, dep habarlaıdy Egemen.kz.
Búgin Aqtóbe qalasyndaǵy Ábilqaıyr han dańǵyly boıynda jol-kólik oqıǵasy tirkeldi.
«Shacman» markaly júk kóliginiń júrgizýshisi burylysta qarsy kele jatqan «BMW» markaly avtokóligine jol bermeı, soqtyǵysqan. Sol kezde júk kóligi qozǵalys baǵytyn ózgertip, jaıaý júrginshiler jolymen júrip kele jatqan Batys Qazaqstan oblysynyń 32 jastaǵy turǵynyn qaǵyp ketken.
Jol apaty saldarynan áıel sol jerde kóz jumdy. Al «BMW» avtokóliginiń júrgizýshisi jedel medısınalyq járdem aýrýhanasyna jatqyzyldy.
«Jol-kólik oqıǵasynyń negizgi sebebi – qarapaıym erejeni buzý. Júrgizýshiler táýekelge baryp, orny tolmas ókinishke dýshar bolyp jatady. Osyǵan baılanysty jol qozǵalysyna qatysýshylardy jol erejelerin saqtaýǵa shaqyramyn. Sizdiń oılanbaı istegen áreketińizden eshbir kinási joq adam zardap shegýi múmkin. Bul jerde óz jónimen ketip bara jatqan áıel qaza tapty», deıdi oblystyq PD bastyǵy Atyǵaı Arystanov.