Medısınalyq uıymdar jumysymen tanysty

Sapardyń birinshi kúni A.Soı Semeı qalasynyń №6 ara­las­ úlgidegi emhanasyna­ bar­dy. Emhanada alǵashqy medısı­na­­lyq-sanıtarlyq kó­mek­ti jáne konsýltasııalyq-dıag­nos­tıka­­lyq kómekti qam­tı­tyn ambý­la­torııa­lyq-em­hana­lyq kó­­­mek kórsetiledi. Me­dı­sına­lyq uıymǵa 44 685 myń adam tir­kelgen, aýysymyna 400 pasıent barady. Medısınalyq uıym­nyń qurylymynda klı­nıka­lyq-dıagnostıkalyq zerthana, fýnksıonaldyq dıagnos­tıka ka­bı­neti, ÝDZ kabıneti, DOTS te­rapııa, fızıoterapııa kabıneti, flıýo­­ro­kartoteka jáne basqalary bar.

Sonymen qatar 1 aqpannan bastap emhana bazasynda vaksınalaý pýnktteri ashyldy. Pýnkt qajetti tońazytqysh jáne bar­­­lyq qajetti jabdyqtarmen jabdyqtalǵan.

«Qysqa merzimde Qazaqstan Respýblıkasynda halyqty jappaı vaksınalaý úshin elimizdiń barlyq emhanalary men iri saý­da ortalyqtarynda 1400 vaksınalaý pýnkti ashyldy. Onyń ishinde aýyl halqy úshin 300 jyljymaly medısınalyq keshen bar. 11 myńnan astam medısına qyzmetkeri vaksınalaý naýqanyna tartyldy. 24 mamyrdaǵy jaǵdaı boıynsha óńirlerde vaksınalardyń birinshi komponentiniń shama­men 350 myń dozasy jáne ekin­shi komponenttiń shamamen 681 myń dozasy bar. Vaksınany jetkizý kestege sáıkes júzege asy­ry­lady», dedi A.Soı.

Sonymen qatar mınıstr al­daǵy ýaqytta vaksınalaý qar­qyny azamattardyń ózderiniń sanaly kózqarasyna, olardyń jaqyndarynyń densaýlyǵy men jalpyǵa ortaq ımmýnıtet paıdasyna durys tańdalýyna baılanys­ty bolatynyn atap ótti.

Sapardyń ekinshi kú­ni mınıstr «InVitro+» konsýl­tatıvtik-dıagnostıkalyq emhanasynda boldy. 2021 jyly salynǵan jańa medısınalyq mekemede zerthanalyq dıagnos­tıka jáne medısınalyq ońaltý boıynsha kóptegen medı­sınalyq qyzmet kór­setiledi. «InVitro+» KDK – Semeı qalasyndaǵy iri medı­sınalyq ortalyq, onda zerthanalyq dıagnostıka, ınfarkt pen ınsýlttan keıin ońaltý, sondaı-aq ýrologııalyq jáne endokrındik aýrýlardy emdeý salasynda mol praktıkalyq tájirıbesi bar mamandar jumys isteıdi.

Budan ári A.Soı ıadrolyq medısına ortalyǵyna bardy, onda qaterli aýrýlardy dıagnostıkalaýdan bastap radıkaldy emdeýden keıin onkolo­gııalyq naýqasty ońaltýǵa deıin­gi to­lyq sıkldy keshendi mýltıdıssıplınarlyq tásil qol­danylady, sondaı-aq pal­lıa­tıvtik kómek júzege asyrylady.

Kelesi nysan Shyǵys Qa­zaq­stan oblysynyń Aıagóz aýdanaralyq aýrýhanasy boldy. Aýrýhana tolyǵymen qaıta jań­ǵyrtylyp, sońǵy úlgidegi medısınalyq jabdyqtarmen (KT, angıograf, ońaltý jab­dyq­tary jáne t. b.) jabdyq­talǵan.

Aýdanaralyq aýrýhanada tur­ǵyndar ınsýlt, ınfarkt jaǵdaıynda qajetti bilikti kó­mek alady, munda jedel ara­lasý júrgiziledi, bosaný jáne t.b. qabyl­danady. Endi naý­qas­tardy 360 shaqyrym qa­shyq­­tyq­ta ornalasqan Semeı qala­syna qaıta jiberýdiń qa­jeti joq.

Jalpy, Densaýlyq saqtaý mınıstri kovıdke qarsy is-shara­lardy uıymdastyrý deń­geıin jáne jalpy halyqqa medı­sına­lyq kómek kórsetý tásilderin joǵa­ry baǵalady.

Shyǵys Qazaqstan oblysy