Lıtvanyń Klaıpeda qalasynda júzýden halyqaralyq týrnır ótti, dep habarlaıdy Egemen.kz.
Olımpııa oıyndarynyń joldamalary sarapqa salynǵan jarysta Qazaqstannyń úsh sportshysy baq synady.
Alǵashqy jarys kúni Ádilbek Mýsın batterflıaı ádisimen 50 metrge júzýde altyn alsa, Anastasııa Rezvanseva 100 metrge arqamen júzýde qolaǵa qol sozdy. Kelesi táýlikte Rezvanseva (50 metr, arqamen júzý) tórtinshi orynda qalyp qoıdy.
Al úshinshi kúni qorjynymyz taǵy úsh júldemen tolyqty. Ádilbek Mýsın (100 metr, batterflıaı) men Aleksandr Varakın (50 metr, erkin tásil) aldaryna jan salmaı, altyn tuǵyrǵa kóterilse, Anastasııa Rezvanseva (200 metr, arqamen júzý) kúmis medaldi moıynyna ildi.