Qostanaı oblysynda ekige tolmaǵan sábı eski qudyqqa qulap kóz jumdy, dep habarlaıdy Egemen.kz.
Qaıǵyly oqıǵa Fedorov aýdanynyń Kostrıakov aýylynda bolǵan. Muny oblystyq polısııa departamenti de rastap otyr.
«24 mamyrda «102» pýltine Fedorov aýdanynyń ýchaskelik ınspektorynan jeke úıdiń aýlasyndaǵy eski qudyqqa 1 jas 7 aılyq sábıdiń qulap ketkeni týraly habar kelip tústi. Balaqaıdy ákesi taýyp alǵan. Qutqaryp qalýǵa úlgermedik. Qaıǵyly oqıǵa bolar sátte sábıdiń ákesi de, anasy da úıde bolǵan. Olar buryn-sońdy ákimshilik nemese qylmystyq jaýapkershilikke tartylmaǵan. Úlkender úı sharýasymen aınalysyp jatqanda, óz betinshe oınap júrgen sábı qudyqqa qulap ketken», dep málimdedi oblystyq PD-nyń baspasóz qyzmeti.