Ishki ister mınıstrligi 17 mamyrdan bastap respýblıka aýmaǵynda «Qarý» jedel-aldyn alý is-sharalaryn júrgizýde, dep habarlaıdy Egemen.kz IIM baspasóz qyzmetine silteme jasap.
Jedel is-sharanyń maqsaty – qarýdy qoldaný arqyly jasalatyn qylmystardyń aldyn alý, zańsyz aınalymnan qarý men oq-dárilerdi anyqtaý jáne tárkileý, sondaı-aq azamattyq jáne qyzmettik qarý aınalymyna baqylaýdy júzege asyrý.
Jedel aldyn alý is-sharasy barysynda polısııa organdary zańsyz aınalymnan 328 birlikten astam atys qarýyn tárkiledi. Onyń ishinde 212 dana tegis uńǵyly qarý, 38 dana gazdy qarý, 9 qoldan jasalǵan qarý, 27 dana travmatıkalyq qarý, 18 elektrlik qarý alyndy.
Qarýdy zańsyz saqtaǵany jáne alyp júrgeni úshin QR QK 287-baby boıynsha 134 materıal tirkeldi.
Qarýdy zańsyz saqtaǵany jáne alyp júrgeni úshin 195 azamat QR Ákimshilik quqyq buzýshylyq kodeksiniń 482-baby boıynsha ákimshilik jaýapkershilikke tartyldy.
Budan basqa, 994 zańdy tulǵa tekserildi. Onyń ishinde 72 qarý-jaraq saýdasy boıynsha mamandandyrylǵan dúken, 9782 fermerlik jáne sharýa qojalyqtary jáne 84490 azamattyq qarý ıeleri tekserildi.
Tekserý nátıjesinde 3196 tártip buzýshylyq anyqtaldy. Onyń 2404-ti qarýdy saqtaý jáne alyp júrý erejeleri buzsa, 792-si qarýdy tirkeý jáne qaıta tirkeý tártibi buzǵany úshin jaýapkershilikke tartyldy.