Ashyq vokzaldarǵa ornatylýy múmkin

Qostanaı, Jelezorýdnyı, Qus­muryn, Amanqaraǵaı, Qoı­baǵar, Tobyl, Lısakov temir jol beketteri vokzal sharýa­shylyq­ta­rynyń atynan sóı­legen Gúlnar Raıymbekova:

– Qostanaı oblysynda jolaýshylar toqtaýsyz aǵylyp jatqan, kelimdi-ketimdi adam­ǵa jıi tolyp ketetin vok­zal­­­dar kóp. Bizde jolaý­shy­lar­dyń densaýlyǵyn tap basyp anyq­taı alatyn múm­kindik joq. Sondyqtan jan-jaq­tan aǵy­lyp jatqan adamdar jol toqaılastyratyn temir jol vokzaldary Ashyq jobasyna eń aldymen qatysýy tıis dep oılaımyz. Alaıda bas sanıtarlyq dárigerdiń soń­ǵy qaýlysynda temir jol vok­zaldary týraly esh­teńe aıtyl­maǵan. Qazir ne iste­rimizdi bilmeı otyrmyz, – dedi.

Oblystyq kásipkerler pala­­tasynyń dırektory Murat Ábenovtiń sózinshe, dál qazir Ashyq jobasyna qaty­sýdyń eki-aq joly bar eken.

– Eger sizder Ashyqqa da­ıyn bolsańyzdar, biz óz tarapymyzdan jobany engizýge jáne algorıtmin túzýge kómek bere alamyz. Bul jobaǵa erik­ti túrde qatysqysy kelde­tin­der­ge qatysty. Al Ashyqqa Úki­met janynan jumys is­tep jat­qan salaaralyq komıs­sııa­nyń kelisi­mimen qatysý jónine keletin bol­saq, onda sizder Ashyqty Qos­tanaı ob­ly­syndaǵy temir jol vok­zal­daryna qanatqaqty joba retinde engizý týraly usy­nys bere alasyzdar, – dedi M.Ábenov.

Temir jol vokzaldarynyń ókil­deri bul máseleni jıyn aıaq­tala salysymen, dáli­rek aıt­saq, 25 mamyrda res­pýb­lıka deń­geıinde kóterdi. Muny «Atameken» UKP tóraǵa­synyń orynbasary Iýlııa Iаkýpbaeva da atap ótti. Onyń aıtýynsha, Ashyq jo­basyna qosylmas buryn temir jol vokzaldaryn­da aldyn ala daıyndyq ju­mystary júrgizilýi tıis eken. Osyǵan baı­lanysty bul má­se­­le sál keıinge shegerilip, in­detke qar­sy kúres jónindegi sala­aralyq komıs­sııanyń taıaý kúnderi ótetin oty­rysynda qaralatyn bolyp sheshildi.

Oblystyq kásipkerler pa­la­­tasynyń málimetinshe, bú­gin­gi tańda óńirde Ashyq jo­ba­­syna 232 kásiporyn qaty­syp jatyr.

– Qazir jobaǵa qatys­qy­sy kele­tinderdiń jalpy ti­­zimi jasa­lyp jatyr. Yn­ta bil­­­dirýshilerden kún saıyn­ óti­nimder kelip túsý­de. Ashyq mobıldi qosymsha­syna qa­tysty saýaly bar kásip­ker­lerdiń 8 7142 394208 jáne 8 777 268 47 08 nómirine habar­lasýyna bo­lady. Biz máse­leniń bárin túsin­dirip, kómek­tesemiz, – dedi oblys­tyq kásipkerler palatasy dırektorynyń orynbasary Genadıı Kýkoba.

Al aımaq basshysy Ar­hımed Muhambetov oblys­tyq jedel shtab otyrysynda óńir kásip­kerleriniń Ashyq joba­synyń máni men paıdasyn áli de durys túsinbeı otyrǵanyn eskertip, oblys turǵyndaryn indetke qarsy ortaq jobaǵa belsendi atsalysýǵa úndedi. Sonymen qatar qalalar men aýdandar ákimderine osy ba­ǵyttaǵy jumysty kúsheıtip, jobanyń júzege asyrylýyn baqy­laýǵa alýdy, aqparattyq-tú­sindirý jumystaryn júr­gizýdi tapsyrdy.