Nur-Sultan polıseıleri segiz jastaǵy qyzdy tonap ketken er adamdy ustady, dep habarlaıdy Egemen.kz.
Tonaý týraly aryzdy polısııaǵa qyzdyń ákesi túsirgen. Onyń aıtýynsha, Kenesary kóshesindegi avtobýs aıaldamasynda belgisiz er adam segiz jastaǵy qyzynyń qolynan telefonyn julyp alyp qashyp ketken.
«Qylmys týraly habar alǵan jedel basqarý ortalyǵynyń qyzmetkeri dereý patrýldik polısııa ekıpajyn jiberdi. Oqıǵa ornyna birneshe mınýt ishinde jetken polıseıler jedel-izdestirý sharalaryn ótkizý kezinde kúdiktiniń izine túsip, urlanǵan telefondy satýǵa tyrysqan er adamdy dúkende ustady», dedi polısııa ókili.
34 jastaǵy qaraqshy ustalyp, aýmaqtyq polısııa basqarmasyna jetkizilgen. Er adam kinásin tolyqtaı moıyndady. Telefon qyzdyń ákesine qaıtaryldy.
Polısııa «Tonaý» baby boıynsha qylmystyq is qozǵap, onyń buryn jasalǵan uqsas qylmystarǵa qatysy bar-joǵyn anyqtap jatyr.