Indýstrııalyq aımaqta habarlaǵandaı, joba 2021-2023 jyldary olardyń aýmaǵynda júzege asyrylady, dep habarlaıdy Egemen.kz
Aqparatqa sáıkes, metall tosqaýyl qorshaýlaryn, kópir jáne jol toptaryn óndirý boıynsha zaýyttyń qurylysy 1,5 mlrd teńgege baǵalanyp otyr.
– Tehnıkalyq-ekonomıkalyq negizdeme daıyndaldy, al jobalyq-smetalyq qujattama ázirlený satysynda, – dep habarlanady.
Zaýyttyń qýattylyǵy jylyna 12 myń tonna jol qorshaýyn jáne 15 myń tonna ystyq myryshtaý ónimderin quraıdy dep kútilýde. Jobany iske qosý esebinen 25 jańa jumys ornyn qurý josparlanýda.
Aıta keteıik, ındýstrııalyq aımaqta 81 mlrd teńgeniń 29 jobasy júzege asyrylmaq. Jańa óndiristik qýattardyń ashylýy 2025 jylǵa deıin 3,3 myń qazaqstandyqty jumyspen qamtamasyz etýge múmkindik beredi.