Elordada alǵash ret Jastarǵa qyzmet kórsetý ortalyǵy ashyldy, dep habarlaıdy Egemen.kz.
JQKO-nyń basty maqsaty – memlekettik jastar saıasatyn júzege asyrý, jastardy qoldaýǵa baǵyttalǵan memlekettik baǵdarlamalar jáne jastar arasyndaǵy ózekti máseleler bolyp sanalatyn jumyssyzdyq, turǵyn úı, bilim, densaýlyq jáne taǵy basqa baǵyttar boıynsha konsýltatıvtik kómek kórsetý.
«Elorda ákimi qalamyzda jastar kóp shoǵyrlanatyn tusta jastarǵa qyzmet kórsetý ortalyqtary ashylý kerek degen bolatyn. Osy sebeppen búgin jastarǵa arnalǵan ortalyqty Saryarqa aýdany ákimdigimen birlese otyryp, alǵash ret ashyp otyrmyz. Bul ortalyqta qyzmettiń birneshe túri bar. Máselen, Otbasy banki óziniń jumystary jóninde jastarǵa túsindirip beredi. Sondaı-aq Jumyspen qamtý ortalyǵynyń qyzmetkerleri jastardy qoldaýǵa daıyn. Taǵy sol sııaqty «Astana jastary» qyzmetkerleri belsendi jumys isteıtin bolady. Bul ortalyqty ashýdyń basty maqsaty — jastarǵa qoldaý kórsetý», dedi Nur-Sultan qalasy Jastar saıasaty máseleleri basqarmasynyń basshysy Qaırat Qambarov.
Aıta ketý kerek, jastarǵa qyzmet kórsetý ortalyǵy temirjol vokzalyna qarama-qarsy ornalasqan. Jumys ýaqyty dúısenbiden jumaǵa deıin 09:00-18.00 aralyǵynda júrgiziledi.