Qarýly Kúshterde 1-3 maýsymda barlyq sanattaǵy áskerı qyzmetshilermen taktıkalyq-saptyq sabaqtar ótedi, dep habarlaıdy Egemen.kz Qorǵanys mınıstrligine silteme jasap.
Bólimsheler men bólimder joǵary jaýyngerlik daıarlyqqa keltiriledi. Bul sharalardyń maqsaty – áskerlerdi basqarý júıesin jetildirý.
Qarýly Kúshterdiń jazǵy oqý kezeńine daıarlyq úrdisi memlekettiń áskerı qaýipsizdigin qamtamasyz etý máselelerin, sondaı-aq aldyńǵy oqý kezeńinde jetken jaýyngerlik oqý nátıjelerin eskere otyryp josparlandy.
Qarýly Kúshterdiń barlyq túri úshin negizgi mindetteri – jaýyngerlik daıarlyq sharalaryn sapaly uıymdastyrý, bólimshelerdiń jaýyngerlik oqý qarqynyn arttyrý, onyń ishinde túngi jáne kúrdeli aýa raıy jaǵdaıynda ótkizý, áskerı qyzmetshilerdiń kásibı deńgeıin arttyrý, senip tapsyrylǵan qarý-jaraq pen áskerı tehnıkany aqaýsyz paıdalaný.
Oqý kezeńiniń aıaqtalýy boıynsha qazan aıynda qorytyndy tekserý ótkiziletin bolady.