Qazaqstannyń tanymal kásipqoı boksshysy Fırýza Sharıpova Dúnıejúzilik boks qaýymdastyǵynyń (WBA) jańartylǵan reıtınginde birinshi orynǵa kóterildi.
Sharıpovanyń bul tabysyna esh tańdanýǵa bolmaıdy. 26 jastaǵy boksshy 2016 jyldan beri kásipqoı rıngte kúsh synasyp júr. Sol kezden beri 13 jekpe-jek ótkizip, 12 ret jeńiske jetti. Alty qarsylasyn esinen tandyrdy. Ár jyldary túrli nusqa boıynsha altyn belbeýlerdi ıelendi. О́z básekeleriniń denin ol Reseı men Qazaqstanda ótkizdi. Bir márte Ispanııaǵa baryp ta judyryqtasty.
Búgingi tańda áıelder arasyndaǵy jeńil salmaqta absolıýtti álem chempıony ataǵyn ırlandııalyq Ketı Teılordyń ıelenip otyrǵany belgili. Ekinshi satydan birinshi orynǵa kóterilgen Sharıpova endi WBA tujyrymy boıynsha Teılormen jekpe-jektiń mindetti úmitkeri atandy.