Shotlandııalyq ǵalymdar qaterli isik pen bakterııa jasýshalaryn jaqyn mańdaǵy saý tinderge zııan keltirmeı joıýǵa qabiletti «Troıan jylqysy» dárisin synaqtan ótkizdi, dep jazady Egemen.kz London Evening Standard portalyna silteme jasap.
Edınbýrg ýnıversıtetiniń zertteýshileri «qaterli isikterdi óltiretin SeNBD molekýlasyn» qaterli jasýshalardyń kózin joıatyn hımııalyq taǵamdyq qospamen aralastyryp, adamdardyń jasýshalaryna tıisti eksperıment júrgizdi. Zertteý barysynda sarapshylar rak kletkalary «ashkóz» ekenin, sondyqtan saý jasýshalarǵa qaraǵanda kóp energııany qajet etetindigine taǵy bir kóz jetkizdi.
Sarapshylar ázirlengen preparatty «troıandyq jylqymen» salystyrady, óıtkeni olar rakty óltiretin SeNBD molekýlasyn taǵamdyq qospaǵa aralastyryp daıyndaıdy.
Edınbýrg ýnıversıteti bul zertteý «jańa emdeý ádisterin jasaýdaǵy mańyzdy qadam» dep atap ótti. Sonymen qatar ǵalymdar qaterli isik aýrýyn erte satysynda emdeýdiń qaýipsizdigi men tıimdiligin rastaý úshin qosymsha tájirıbeler uıymdastyrý qajet dep sendiredi. Ǵalymdar buǵan deıin kók shaıdyń quramynda qaterli isik aýrýynan qorǵanysh tapqan. Bul sýsynnyń quramyndaǵy antıoksıdant epıgallokatechın gallat (EGCG) qaterli isikke qarsy qýatty r53 aqýyzynyń deńgeıin joǵarylatady, ol «genom qamqorshysy» dep atalady.
«Bul zertteý, ádette, óte qaýipsiz jaryq sáýlemen aralastyryp otyryp júrgizedi, jańa terapııa ádisterin damytýdaǵy mańyzdy qadam bolyp tabylady», dedi Edınbýrg ýnıversıtetiniń translıasııalyq hımııa jáne bıomedısınalyq beıneleý kafedrasynyń meńgerýshisi, professor Mark Vendrell.
Buǵan deıin, 30 mamyrda, reseılik onkolog jáne hırýrg Ivan Karasev rak jasýshalary saý adamdarda da kezdesetinin, adamnyń ımmýnıteti álsirep ketken kezde olardyń kúsh alyp ketetinin aıtqan bolatyn. Sarapshynyń aıtýynsha, adam aǵzasynda rak kletkalary kúsh alyp ketpeý úshin qalypty kem degende segiz saǵattyq uıqy, kúnine keminde 10 myń qadam jaý júrý jáne kúnine az mólsherde birneshe ret tamaqtaný qajettigin aıtqan bolatyn.
2020 jyldyń sońynda brıtandyq onkologııalyq zertteýler ınstıtýtynyń ǵalymdary isiktiń alty túrine qarsy tıimdi dep tanylǵan revolıýsııalyq preparatty klınıkalyq synaqtan ótkergen bolatyn.
Innovasııalyq terapııa «troıandyq at» qaǵıdaty boıynsha jumys isteıdi: ázirleýshiler ýly molekýlalardy zııansyz antıdenemen búrkemelep, dári-dármekti «jasyrdy». Osylaısha, ol isikke tikeleı túsip, oǵan ishten soqqy jasaıdy. Bul synaq qaterli isik aýrýynyń sońǵy stadııasyndaǵy, eshbir em qonbaǵan naýqastarǵa qoldandy. Preparat jatyr moıny men qýyqtyń qaterli isigine qarsy kúreste eń jaqsy nátıje kórsetipti. Em qonbaǵan naýqastardyń tórtten bir bóliginde aıtarlyqtaı jaqsarýlar baıqaldy. Isik mólsheri boıynsha kishireıip nemese tolyǵymen ósýin toqtattqan.