Ashyq jobasyn «egov Mobile» qosymshasynda paıdalanýǵa bolady. Endi elektrondyq úkimettiń mobıldi qosymshasyn paıdalanýshylar basqa qosymshany júktemeı-aq, «Ashyq»-tyń múmkindikterin paıdalana alady. Bul týraly Ortalyq kommýnıkasııalar qyzmeti alańynda ótken brıfıngte Sıfrlyq damý, ınnovasııalar jáne aeroǵarysh ónerkásibi mınıstri Baǵdat Mýsın málim etti.
«Ashyq» qosymshasy mınıstrliktiń balansyna alynyp, qurylymdyq kompanııanyń súıemeldeýine berildi. Qaýipsizdik jaǵynan «Ulttyq aqparattyq tehnologııalar» aksıonerlik qoǵamy jaýapty bolady. Kópshiliktiń suraýy boıynsha biz mýltıplatformalyq baǵytta jumys isteıtinimizdi aıtqan bolatynbyz. Sondyqtan Ashyq qyzmeti Kaspi mobıldi qosymshasynda da qoljetimdi. Aldaǵy ýaqytta Halyk Bank qosymshasynda paıda bolady. Basqa bankter de, basqa kásipkerler de óz usynystaryn jiberip jatyr, olarmen birge jumys istep, kelesi aıda taǵy aqparat beretin bolamyz», dedi vedomstvo basshysy.