Petropavl qalasynda 5 lıtrlik plastıkalyq ydysqa quıylǵan alkogoldik sýsyndardy qoldan jasaıtyn eki jasyryn seh jabyldy, dep habarlaıdy Egemen.kz.
Jasyryn sehta bólip quıý jáne tyǵyndaý apparatynyń kómegimen jasandy hosh ıis, boıaǵysh jáne kran sýyn qoldanyp, quramynda spırti bar suıyqtyq óndirip, ony «Aıdabýlskaıa» araǵy jáne «Mındalnyı» konıagy túrinde satylymǵa shyǵarǵan.
SQO boıynsha Ekonomıkalyq tergep-tekserý departamentindegiler sehty uıymdastyrýǵa, qoldan jasalǵan ishimdikti satýǵa jáne jetkizýge qatysty adamdardy anyqtady. Alty mekenjaıdy tintý barysynda 24 bes lıtrlik plastıkalyq konteıner, 28 teksheli konteıner, 76 birlik 200 lıtrlik kegter jáne basqa da spırt quıylǵan ydystar tárkilendi.
Sondaı-aq jalpy somasy 114 mln astam teńgeni quraıtyn 40 myń lıtrden astam spırt tárkilendi. Osy jaǵdaıǵa qatysty sotqa deıingi tergeý bastaldy.