Soltústik Makedonııa – Qazaqstan oıyny aldynda Baýyrjan Baıtana baspasóz máslıhatynda tilshiler saýalyna jaýap berdi, dep habarlaıdy Egemen.kz QFF-ǵa silteme jasap.
- Eń aldymen, ulttyq quramaǵa oralǵanyma qýanyshtymyn. Kezinde shaqyrtý alyp, durys oınaı almaǵan edim. Ol kezde jaraqattarym da áserin berdi. О́tken jyldan beri «Tarazǵa» oralyp, ózimniń oıynymdy taptym. Qazir babyma kelip úlgerdim dep te aıtýǵa bolady. Dese de, áli de bolsa damýym kerek. О́z-ózimmen jumys istep, fızıka men tehnıkalyq turǵyda jeke jattyǵyp júrmyn. Kúni keshe ǵana úshinshi balam dúnıe esigin ashty. Es bilip, aqyl toqtatqan shaǵym shyǵar dep oılaımyn. Sondyqtan da, endi bar kúshimdi fýtbolǵa salamyn. Ulttyq quramada oınaý kez-kelgen fýtbolshynyń armany ǵoı. Sondyqtan da, osy joly ulttyq quramany alǵa súırep, jeńisterge jeteleımin degen oıdamyn, - dedi fýtbolshy.