Búgin onlaın formatta ótken Qazaqstan men Túrkııanyń birlesken strategııalyq sessııalarynyń is-sharalary máresine jetti, dep habarlaıdy Egemen.kz.
Jıyndar barysynda aqparat pen etnos aralyq qatynastardy damytý salalary boıynsha tájirıbe almasý suraqtaryna qatysty nátıjeli talqylaýlar ótti. QR AQDM ókilderi Qazaqstan men Túrkııany ózara dostyq qarym-qatynastar baılanystyryp otyrǵanyn jáne eki el arasyndaǵy dostyqqa Elbasy Nursultan Nazarbaev pen Prezıdent Qasym-Jomart Toqaev erekshe mán beretinin atap ótti.
Atap aıtsaq, taraptar jalǵan aqparatpen kúres, medıasala mamandaryn oqytý aspektileri boıynsha seriktestik qurý qajettiligi týraly, sondaı-aq Qazaqstan men Túrkııa kiretin TúrkiKeńesi mınıstrleriniń dıaspora máseleleriboıynsha 4-shi otyrysyn ótkizýge qatysty pikiralmasty.
Jalpy, eki kúnge sozylǵan mazmundybaǵdarlama Mınıstrlik jumysynyń 6 baǵyty boıynsha 4 taqyryptyq strategııalyq sessııalardy qamtydy. Olardyń aıasynda Qazaqstan men Túrkııa ókilderi azamattyq qoǵamdy damytý, jastar saıasaty, aqparat jáne BAQ, dinı qyzmetti retteý, etnosaralyq qatynastardy damytý salalarynqamtıtyn keń aýqymdy máselelerdi talqylady.
Qazaqstan tarapynan QR AQDM qurylymdyq bólimsheleri, atap aıtqanda, azamattyq qoǵam isteri, aqparat, jastar jáne otbasy isteri, etnos aralyq qatynastardy damytý jónindegi komıtetter, BAQ salasyndaǵy memlekettik saıasat departamenti, sondaı-aq Qazaqstan musylmandary dinı basqarmasy, Azamattyq bastamalardy qoldaý ortalyǵy, Ulttyq eriktiler jelisi, «Jastar» ǵylymı-zertteý ortalyǵy, «Otandastar» qory qatysty.
Túrkııa tarapynan Túrkııa Respýblıkasy Prezıdenti Ákimshiliginiń qoǵammen baılanys jónindegi Bas basqarmasy, Jastar jáne sport mınıstrligi, Din isteri basqarmasy, Túrik yntymaqtastyq jáne úılestirý agenttigi (TIKA) baǵdarlamasynyń Úılestirý keńsesi, Túrkııanyń iri BAQ jáne ÚEU ókilderi qatysty.
Esterińizge sala keteıik, 2021 jylǵy sáýirdeAıda Balaevanyń basshylyǵymen bolǵan qazaqstandyq delegasııanyń Túrkııaǵa jumyssapary aıasy men Túrkııa Prezıdenti Ákimshiliginiń Qoǵammen baılanys jónindegi basqarmasynyń basshysy Fahrettın Altýnmen, Jastar jáne sport mınıstri Mehmet Kasapoǵlýmen jáne din isteri basqarmasynyń tóraǵasy Alı Erbashpen ótken iskerlik kezdesýlerdiń nátıjeleri boıynsha Qazaqstan Respýblıkasy Aqparat jáne qoǵamdyqdamý mınıstrliginiń jetekshilik etetin salalaryboıynsha Túrkııa Respýblıkasynyń memlekettik organdarymen birlesken strategııalyq sessııalar ótkizý týraly kelisimge qol jetkizgen edi.