«Scat» avıakompanııasynyń «Nur-Sultan – Atyraý» baǵytyndaǵy ushaǵynan aqaý shyqty. Bul týraly Nursultan Nazarbaev Halyqaralyq áýejaıynyń baspasóz hatshysy Ánýar Shálekenov málim etti, dep habarlaıdy Egemen.kz.
«N.Nazarbaev Halyqaralyq áýejaıynda «Scat» avıakompanııasynyń «Nur-Sultan – Atyraý» baǵytyndaǵy 765-shi reısi keshigýde. Keste boıynsha saǵat 13.55-te ushyp shyǵýy tıis bolatyn. Aldymen saǵat 18.00, keıin 19.30-ǵa deıin shegerildi. Endi túngi saǵat 00.00-ge deıin keshigetini habarlanady. Ushaqtyń keshigý sebebi – áýe kemesiniń aqaýy. Sondaı-aq málim etilgendeı, «Scat» áýe kompanııasynyń «Nur-Sultan – Aqtóbe» baǵytyndaǵy taǵy bir reısi ushyp shyǵý kestesinen aýytqyǵan. «Sebep – áýe kemesiniń keshigip kelýi», dedi Ánýar Shálekenov.