Atyraýda Ashyq jobasyna qosylýǵa nıet bildirgen kásipkerler qatary kóbeıip keledi, dep habarlaıdy Egemen.kz.
Oblystyq sanıtarlyq-epıdemıologııalyq baqylaý departamenti basshysynyń orynbasary Qadirjan Orazǵalıevtyń aıtýynsha, kásipkerlik nysandarynyń ıeleri «Ashyq» qosymshasyna qatysýǵa 314 ótinish beripti.
«Qazir jobaǵa 196 nysan qosylyp, 264-i QR kod aldy. Al, 68 nysan synaq rejıminde jumys isteýdi bastady. Karantındik shekteý sharalaryn birneshe ret buzǵan 3 kásipkerlik nysany jobadan 2 aptaǵa shettetildi. QR kod arqyly «qyzyl» sanattaǵy 20 azamat anyqtaldy. Bular – koronavırýs ınfeksııasymen kelýshiler. Sondaı-aq, qaýipti vırýsqa shaldyqqan naýqastarmen baılanysta bolǵan «sary» sanattaǵy 21 azamatqa túsindirý jumysy júrgizildi», deıdi Qadirjan Orazǵalıev.