Zeınetkerlerge arnalǵan mekemede belsendi ómir súrý saltyn dáripteıdi, dep habarlaıdy Egemen.kz.
Arnaıy baǵdarlama da jasalǵan. Gımnastıka men ıoga, emdik massaj ben túrli jattyǵýlar kestesi qurylǵan. Sondaı-aq kolóner túrlerin ıgerip, kompıýter tilimen tanysýǵa múmkindik bar. Nıet etkender qazaqsha jáne aǵylshynsha saýat ashýyna da bolady. Degenmen, birinshi kezekte egde jasqa jetken jandar bas qosyp, kóńil aýlaıtyn taptyrmas oryn.
Memleket esebinen qarjylandyrylatyn ortalyqta barlyq qyzmet túri tegin. Oblys ortalyǵynda ashylǵan qos ortalyqqa bıýdjetten 53 mıllıon teńge bólinip otyr.
«Osyndaı ortalyqtyń ashylǵanyna óte qýanyshtymyz. Sebebi mysaly bizder shamaly salmaǵymyzdy tastadyq, joldasymnyń býyndarynyń aýyrǵany kishkene qoıdy. Men ózim de osynda barýǵa asyǵyp turamyz. Sebebi tańerteń turǵannan bastap emdik jattyǵýlarǵa kelemiz ǵoı. Sodan keıin myna Qarǵaly ózenin boılap, skandınav júrisine baramyz. Taza aýamen demalyp, ózenniń boıynda kóptegen jattyǵýlar jasap kelemiz. Munyń bári bizder úshin óte paıdaly», deıdi zeınetker Gúljan Erejepova.