Qorshaǵan ortany qorǵaý kúniniń bıylǵy taqyryby - «Qaıta oılaný. Qaıta qurý. Qalpyna keltirý». QR Ekologııa, geologııa jáne tabıǵı resýrstar mınıstri Maǵzum Myrzaǵalıev Twitter-degi paraqshasynda osylaı jazdy, dep habarlaıdy Egemen.kz.
«Búgin, 5 maýsym - Dúnıejúzilik qorshaǵan ortany qorǵaý kúni. Sonymen qatar, Qazaqstannyń ekologtarynyń kásibı merekesi. Búginde asa ózekti, kúrdeli salada eńbek etip jatqan áriptesterdi, ardagerlerdi merekemen quttyqtap, isterine tabys, densaýlyq tileımin», dep jazdy mınıstr.
Onyń aıtýynsha, osy kúni ekologııalyq problemalarǵa álem nazaryn aýdarý úshin túrli sharalar uıymdastyrylady.
«Biz «Birge - taza Qazaqstan» tazalyq aksııasyn dástúrge aınaldyrdyq.
Qorshaǵan ortany qorǵaý kúniniń bıylǵy taqyryby - «Qaıta oılaný. Qaıta qurý. Qalpyna keltirý». Barsha otandastardy «qaıta oılanyp», tabıǵat baılyqtaryn únemdi paıdalanýǵa,janýarlar men ósimdikterge janashyrlyq tanytýǵa, aınalany taza ustap, ekologııalyq ómir saltyn ustanýǵa shaqyramyn», dedi Maǵzum Myrzaǵalıev.
Dúnıejúzilik qorshaǵan ortany qorǵaý kúni BUU Bas Assambleıasynyń sheshimimen 1972 jyly bekitilgen. BUU-nyń qorshaǵan ortany qorǵaý jónindegi baǵdarlamasyn basshylyqqa ala otyryp ótkiziledi.