Elordada Amangeldi Imanov kóshesindegi ýchaskede jóndeý jumystary júrgiziledi, dep habarlaıdy Egemen.kz.
Qalalyq Kólik jáne jol-kólik ınfraqurylymyn damytý basqarmasy Nur-Sultan qalasy PD ákimshilik polısııa basqarmasynyń kelisimimen A.Imanov kóshesinde jol jóndeý jumysyn bastady.
Jóndeý jumysyna baılanysty bıyl 5-12 maýsym aralyǵynda Amangeldi Imanov kóshesiniń A.Iаnýshkevıch kóshesinen A. Jubanov kóshesine deıingi ýchaskesi avtokólik úshin ishinara jabylady.
«Qala joldarynda keptelis týdyrmas úshin elorda turǵyndary men qonaqtary qozǵalys baǵytyn aldyn ala josparlaýy qajet. Keltirilgen qolaısyzdyq úshin keshirim suraımyz jáne jóndeý jumysynyń júrgizilýine túsinistikpen qaraýdy suraımyz», delingen basqarma habarlamasynda.