Aqmola oblysynda 17 jastaǵy jasóspirim sýǵa batyp ketti, dep habarlaıdy Egemen.kz oblystyq PD baspasóz qyzmetine silteme jasap.
Qaıǵyly jaǵdaı mamyrdyń 5-inde oryn alǵan. Bul týraly Esil aýdandyq PB kezekshi bólimine aýdandyq aýrýhananyń feldsheri habarlasyp, aýrhananyń jansaqtaý bóliminde 17 jastaǵy jasóspirimniń qaıtys bolǵandyǵy týraly aıtty.
«Anyqtalǵandaı, sol kúni bir top jasóspirim mektep ákimshiligin habardar etpeı, jergilikti Qyzylsý sý qoımasyna barǵan. Shomylý kezinde 2004 jylǵy jasóspirim sýǵa batyp ketti. Sot-medısınalyq saraptamanyń qorytyndysyna sáıkes, jasóspirim «ókpege sýdyń túsýi arqyly mehanıkalyq asfıksııa» saldarynan kóz jumǵan», delingen vedomstvo taratqan aqparatta.