Memlekettik rámizderdi qorlaǵan Pavlodar oblysynyń turǵyny ákimshilik jaýapqa tartyldy. Ol óziniń ınstagram paraqshasynda ulttyq qundylyqqa nuqsan keltirip, ar-namysty taptaıtyn beıádep jazba qaldyrǵan, dep habarlaıdy Egemen.kz.
Atalǵan oqıǵaǵa baılanysty Pavlodar qalasynyń turǵyny 5 maýsymda polısııaǵa shaǵymdanǵan.
Kóp keshikpeı tártip buzýshy anyqtaldy. Ol Efremovka aýylynyń 38 jastaǵy turǵyny bolyp shyqty jáne zańsyz áreketke mas kúıinde barǵanyn túsindirip, kinásin tolyq moıyndaǵan. Sot sheshimimen ákimshilik quqyq buzýshylyqqa jol bergen aýyl turǵynyn bir táýlikke qamaýǵa alý túrinde jaza qoldanyldy.
«Materıal sotqa jiberildi jáne 6 maýsym kúni sot otyrysy onlaın rejımde ótti. Onda aýyl turǵyny ózi jibergen qateligin dáıekter keltire otyryp, tolyq moıyndady jáne sot úkimimen ákimshilik qamaýǵa alyndy», dep habarlaıdy oblystyq PD resmı ókili Janna Belıalova.