Búgin Almaty qalasy Qoǵamdyq densaýlyq basqarmasynyń basshysy Narıman Tabynbaev О́ńirlik kommýnıkasııalar qyzmetiniń baspasóz konferensııasy barysynda koronavırýstyq ınfeksııasy bar naýqastarǵa medısınalyq kómek kórsetý úshin densaýlyq saqtaý uıymdarynyń qalypty jumys rejımine aýysqany týraly málimdedi, dep habarlaıdy Egemen.kz.
Almatyda Buqar Jyraý qalalyq balalar klınıkalyq aýrýhanasy, Jedel medısınalyq kómek kórsetý aýrýhanasy, Halyq Arena SF, psıhıkalyq densaýlyq ortalyǵy, TJ aýrýhanasy, Otan soǵysy múgedekterine arnalǵan Respýblıkalyq klınıkalyq gospıtal, HBO, №1 perzenthana, qalalyq kardıologııalyq ortalyq, №1 Qalalyq klınıkalyq aýrýhana, Qorǵanys mınıstrliginiń gospıtali jabyq rejımde jumys istep jatyr.
«14 maýsymnan bastap Ortalyq qalalyq klınıkalyq aýrýhananyń kovıdtik stasıonarlaryn, Qalalyq klınıkalyq juqpaly aýrýlar aýrýhanasynyń Baızaqov kóshesindegi fılıalyn jabý josparlanyp otyr. Bul stasıonarlar qalypty jumys rejımine kóshetin bolady», dep habarlady N. Tabynbaev, sondaı-aq barlyq emhanalar men aýrýhanalarǵa dezınfeksııa júrgiziledi.
Baspasóz konferensııasy barysynda N. Tabynbaev búginde Almatyda koronavırýstyq ınfeksııanyń 70 786 jaǵdaıy tirkelgenin, onyń ishinde 54 846 sımptomdy, 15 940 sımptomsyz, 1 809 anyqtalmaǵan pnevmonııa jaǵdaılardyń tirkelgenin aıtty. 66 945 adam KVI-den jazylyp shyqty.
«Qazirgi kezde ınfeksııalyq stasıonarlarda 1258 adam emdelip jatyr. Qalada barlyǵy 3640 tósek-oryn bar», dedi N. Tabynbaev.
Jedel medısınalyq kómekti shaqyrý deńgeıi táýligine 1850-1930 aralyǵynda. Aýrýhanaǵa jatqyzý deńgeıi 190-200-den (mamyr aıynyń ortasynan) táýligine 80-90-ǵa deıin tómendedi. О́tken táýlikte 54 naýqas aýrýhanaǵa jatqyzyldy.
N. Tabynbaevtyń habarlaýynsha, osyǵan baılanysty epıdemıologııalyq ahýal turaqtansa, kovıdti naýqastardy Degdar qalalyq klınıkalyq juqpaly aýrýhanasyna, Saıaly men Terekti shaǵyn aýdandaryndaǵy modýldi stasıonarlarǵa jatqyzý josparlanǵanyn aıtty.