Varshava jáne Nur-Sultan qalalary arasyndaǵy reısterdi 2021 jylǵy 10 maýsymynan bastap Polshanyń «LOT Polish Airlines» áýe kompanııasy qaıta jańǵyrtyp, aptasyna 1 reıspen ushýdy josparlap otyr, dep habarlaıdy Egemen.kz IIDM baspasóz qyzmetine silteme jasap.
Varshava – Nur-Sultan – Varshava baǵytyndaǵy alǵashqy reıs 10 maýsymda oryndalady. Ári qaraı eki el astanalary arasyndaǵy reıster aptanyń dúısenbi kúnderi B–737 áýe kemesimen oryndalady.
Mundaı sheshimdi Qazaqstan Respýblıkasynyń aýmaǵynda koronavırýstyq ınfeksııanyń paıda bolýy men taralýyna jol bermeý jónindegi vedomstvoaralyq komıssııa 2021 jylǵy 28 mamyrda qabyldady.
Qazaqstan men Polsha arasyndaǵy reıster sanyn ulǵaıtý týraly sheshim epıdemıologııalyq jaǵdaıǵa jáne vedomstvoaralyq komıssııanyń tıisti sheshimderine baılanysty qabyldanady.
Reıster sanıtarlyq-epıdemıologııalyq talaptardy qatań saqtaı otyryp jáne áýe kompanııasynyń saıtynda jarııalanǵan kestege sáıkes oryndalady.