Qurlyqtyq hokkeı lıgasynda (QHL) baq synaıtyn elordanyń «Barysy» maýsymaralyq úziliste taǵy eki qorǵaýshysymen qoshtasty.
Jýyrda ǵana Qazaqstan azamattyǵyn alyp, Latvııada ótken álem chempıonatynda ulttyq quramadaǵy debıýtin jasaǵan Vıktor Svedberg aldaǵy maýsymnan bastap Máskeýdiń SSKA klýbynda óner kórsetetin boldy. Kelisimshart 3 jylǵa josparlanǵan. Keıingi úsh maýsymnan beri «Barys» klýbynda oınaǵan qorǵaýshy QHL-da 84 match ótkizip, 22 (6+16) upaı jınaǵan.
Sondaı-aq ulttyq quramanyń taǵy bir oıynshysy Leonıd Metalnıkov te mansabyn reseılik klýbta jalǵastyratyn boldy. О́skemen hokkeı mektebiniń túlegi endi Vladıvostoktyń «Admıral» klýbynyń namysyn qorǵaıdy. Aıta keteıik, Metalnıkov byltyr jeltoqsan aıynda jaraqat alyp, uzaq ýaqytqa qatardan shyǵyp qalǵan bolatyn. Osy jaraqatynyń saldarynan ol Rıgadaǵy álem chempıonatyna da qatysa almady.