Selınograd aýdany Otaýtúsken aýylynyń 43 jastaǵy turǵyny qyzyn qutqarmaqshy bolǵan kezde ózi sýǵa batyp ketti, dep habarlaıdy Egemen.kz.
Jazataıym oqıǵa maýsymnyń 8-inde saǵat 13:00-de Selınograd aýdany Otaýtúsken aýylynyń mańynda Nura ózeninde balyq aýlaý kezinde oryn alǵan.
«О́zen jaǵasynda júrgende qyzy anasynan ruqsat surap, sýǵa shomylmaqshy bolady. Alaıda, sýdyń aǵysy qyzdy alyp ketedi. Muny kórgen anasy qyzyn qutqarýǵa umtylǵan, biraq qatty aǵyn saldarynan 43 jastaǵy áıeldiń ózi sýǵa batyp ketti», delingen Aqmola oblysy TJD baspasóz qyzmeti taratqan aqparatta.
Al, jaǵadaǵy ósimdiktiń butaǵyna jarmasqan on jasar qyz janushyryp kómek suraǵan. Ony estigen Otaýtúsken aýylynyń 65 jastaǵy turǵyny Pavel Fedorenko qyzdy qutqaryp qaldy.
«Oqıǵa ornynda Nur-Sultan qalasy TJD Jedel-qutqarý jasaǵynyń qutqarýshylary jumys istedi, olar keshki saǵat 19:30 shamasynda áıeldiń denesin tapty», dep tolyqtyrdy vedomstvodan.