«Jastar» ǵylymı-zertteý ortalyǵy QR AQDM Jastar jáne otbasy isteri komıtetiniń qoldaýymen «Qazaqstan jastary – 2021» ulttyq baıandamasynyń mazmundyq bóligine saraptamalyq talqylaý júrgizdi, dep habarlaıdy Egemen.kz.
Talqylaý jastar ortasyndaǵy jaǵdaıdy jan-jaqty taldaýdy, sonyń ishinde ashyq qoǵamdyq pikirtalastar ótkizýdi qamtamasyz etý maqsatynda uıymdastyryldy.
Talqylaýǵa QR Parlamenti Májilisiniń depýtattary, ortalyq jáne jergilikti atqarýshy organdardyń ókilderi, jastar uıymdary men resýrstyq ortalyqtardyń basshylary qatysty. QR Prezıdenti janyndaǵy Qazaqstandyq strategııalyq zertteýler ınstıtýtynyń, Qazaqstan Respýblıkasynyń Tuńǵysh Prezıdenti – Elbasy kitaphanasynyń, «Nur Otan» Qoǵamdyq saıasat ınstıtýtynyń, Qoldanbaly etnosaıası zertteýler ınstıtýty men «Rýhanı jańǵyrý» qazaqstandyq qoǵamdyq damý ınstıtýtynyń jáne L.N. Gýmılev atyndaǵy Eýrazııa ulttyq ýnıversıtetiniń jetekshi sarapshylary da óz pikirlerin bildirdi.
«Búgin biz memlekettik damýdyń mańyzdy aspektileriniń biri – jastar saıasaty salasyn talqylaýdamyz. Bıylǵy Ulttyq baıandama Qazaqstan Respýblıkasy Táýelsizdiginiń 30 jyldyǵy eskerile otyryp daıyndalatyn bolady. Osy oraıda jyl sońyna deıin jastardyń birinshi kezektegi qajettilikterin, múddeleri men suranystaryn anyqtaýǵa múmkindik beretin tyńǵylyqty ǵylymı jumys kútip tur», dedi óz sózinde «Rýhanı jańǵyrý» QQDI Basqarma Tóraǵasy Asylbek Esenbaev.
Aǵymdaǵy jyly Ulttyq baıandama el Táýelsizdiginiń 30 jyldyǵyn eskere otyryp daıyndalady, onda qazirgi jastardyń Táýelsizdik qundylyqtary týraly kózqarastary kórinis tabatyn bolady. Qazaqstandyq jastardyń áleýmettik jaǵdaıy týraly sapaly derekterdi anyqtaý maqsatynda áleýmettanýlyq zertteýler men sarapshylyq jáne ǵylymı qoǵamdastyqpen ashyq talqylaýlar ótkiziledi dep josparlanýda. Ulttyq baıandamany qalyptastyrý barysynda ázirlengen usynymdar memlekettik jastar saıasatyn iske asyrýdyń mańyzdy praktıkalyq quralyna aınalady.
«Qazaqstan jastary – 2021» Ulttyq baıandamasynda Táýelsizdik urpaǵynyń portreti jasalmaq. Biz qazirgi qazaqstandyq jastardyń bolashaǵy, olardyń búgingi múddeleri men negizgi qajettilikteri týraly kózqarastardy zertteımiz», dep atap ótti «Jastar» ǴZO dırektory Aıan Sakoshev.
Kezdesý qorytyndysy boıynsha sarapshylar aldaǵy ýaqytta júrgiziletin ǵylymı jumys jas urpaqtyń birinshi kezektegi qajettilikterin, sondaı-aq jastar saıasatyn talqylaý kezinde eskerilýi tıis negizgi trendterdi, qyzyǵýshylyqtar men suranystardy anyqtaýǵa múmkindik beredi degen ortaq pikirge keldi.
Eske sala ketsek, 2013 jyldan bastap «Jastar» ǴZO jyl saıyn «Qazaqstan jastary» ulttyq baıandamasyn ázirlep keledi. Baıandama qazaqstandyq jastardyń tynys-tirshiliginiń negizgi salalaryndaǵy jaǵdaıyna jan-jaqty taldaý jasalynady. Bul ǵylymı jumystyń basty maqsaty memlekettik jastar saıasaty júıesin jastardyń ózekti suranystary men múddesine ádistemelik qoldaý jáne beıimdeý bolyp tabylady.