Qaraǵandy bazarynda er adam belgisiz jaǵdaıda qaıtys boldy. Polısııa basqarmasynyń málimetinshe, qaıǵyly jaǵdaıǵa er adamnyń densaýlyq jaǵdaıy sebep bolýy múmkin, dep habarlaıdy Egemen.kz.
Qaraǵandyda Maıqudyq yqsham aýdanyndaǵy «Gornıak» bazarynda er adam qaıtys boldy, alaıda onyń qazasyna naqty ne sebep bolǵany áli aıtylmady.
Áleýmettik jelide 32 jastaǵy ekspedıtordyń taýar ákelgenin jazyp jatyr. Áleýmettik pavılonda baspaldaqtan túsip bara jatqanda temir qorshaýǵa tıip, ony toq urǵan. Er adam oqıǵa ornynda qaıtys boldy.
Qaraǵandy ákimdigi osy jaǵdaıǵa baılanysty túsinikteme berdi, alaıda er adamnyń toqqa túsip qaıtys bolǵany týraly aqparatty rastamady.
«Qaraǵandy qalasy polısııa basqarmasynyń málimetinshe, ólimniń aldyn ala sebebi – er adamnyń densaýlyq jaǵdaıy. Tergeý amaldary júrgizilip jatyr. Aldyn ala qorytyndy jasamaýdy jáne tekserilmegen aqparat taratpaýdy suraımyz», delingen habarlamada.
«Qaraǵandy patrıoty» pablıginiń málimetinshe, marqumnyń artynda eki balasy qaldy.