Qazaqstandyq kıno akteri Erkebulan Toqtar erejesiz jekpe-jek sportyndaǵy alǵashqy kezdesýin ótkizedi, dep habarlaıdy Egemen.kz Prosports.kz saıtyna silteme jasap.
25 jastaǵy Toqtar 16 maýsymda Almatyda ótetin OCTAGON 20 týrnırinde óner kórsetedi. Onyń qarsylasy taǵy bir debıýtant, 33 jastaǵy Muhtar Jumaǵalı bolady. Jekpe-jek aralyq salmaq dárejesinde (72 keli) ótedi.
Keshtiń basty jekpe-jeginde qazaqstandyq faıter Damır Tólenov (6-0) óner kórsetedi, qarsylasy qyrǵyzstandyq Argen Malıkov (5-2) bolady. Bul jekpe-jekte eń jeńil salmaqtaǵy (56,7 keli) vakantty tıtýl sarapqa salynady.
Sondaı-aq týrnırde Rýslan Serikpulov, Sambet Naımanbaev, Bekzat Almahan, Rústem Muhatov jáne Álisher Ǵabdýllın sekildi faıterler óner kórsetedi.
Aıta keteıik, OCTAGON 20 týrnıri 16 maýsymda Almatyda ótedi.