«Habar» agenttigi Qazaqstan Respýblıkasynyń Prezıdenti - Qasym-Jomart Kemeluly Toqaev týraly «Preodolenıe» atty eki bólimnen turatyn derekti fılm usynady, dep habarlaıdy Egemen.kz.
Fılmde Táýelsiz Qazaqstannyń ekinshi Prezıdentiniń jeke tulǵa bolyp qalyptasý tarıhy baıandalady jáne onyń saıası joly kórsetiledi.
Birinshi bólim Memleket basshysynyń ómirbaıanyndaǵy qyzyqty faktilerge arnalǵan. Ekinshi bólimde kórermen saıası qyzmettiń tıimdiligin baǵalap, Qasym-Jomart Toqaevtyń álemdik arenadaǵy eńbegi men bedeli týraly bile alady.
«Preodolenıe» derekti fılminiń birinshi bólimin 11 maýsym kúni, ıaǵnı búgin 21:30-da, ekinshi bólimin 12 maýsym kúni saǵat 22.00-de «Habar» telearnasynan tamashalaı alasyzdar. Al 13-shi maýsym jeksenbi kúni saǵat 22.00 men 22.40-ta eki bólimniń de qaıtalaýyn kórýge bolady.