Qasym-Jomart Toqaev Ýhnaagıın Hýrelsýhtyń Mońǵolııa Prezıdenti bolyp saılanýyna baılanysty quttyqtaý jedelhatyn joldady, dep habarlaıdy Egemen.kz Memleket basshysynyń baspasóz qyzmetine silteme jasap.
– Cizdi Mońǵolııanyń Prezıdenti laýazymyna saılanýyńyzben Qazaqstan halkynyń jáne jeke ózimniń atymnan shyn júrekten quttyqtaımyn!
Saılaýdaǵy aıqyn jeńisińiz memleketińizdiń damýyna qosqan mol úlesińiz ben qajyrly eńbegińizdiń nátıjesi jáne mońǵol halqynyń ózińizge artqan úlken senimi dep bilemin. Osy rette, elińizdiń bolashaǵyn jarqyn, mereıin ústem etýge baǵyttalǵan bastamalaryńyz ben josparlaryńyzdyń árdaıym sátti júzege asatynyna kámil senemin.
Qazaqstan men Mońǵolııa arasyndaǵy ózara qurmet pen jan-jaqty yntymaqtastyqqa negizdelgen dástúrli qatynastardyń ópici keńeıgenin erekshe atap ótemin. Halyqtarymyzdyń ıgiligi úshin ekijaqty jáne kópjaqty formattardaǵy áriptestigimizdi damytýda Sizben birge kúsh-jiger jumsaýǵa daıyn ekenimdi naqtylaımyn, – delingen jedelhatta.
Qasym-Jomart Toqaev Ýhnaagıın Hýrelsýhtyń asa jaýapty qyzmetine tolaǵaı tabys, otbasyna baıandy baqyt tilep, dostas mońǵol halqynyń ósip-órkendeı berýine tilektestik bildirdi.