Bul kúnderi fýtboldan Qazaqstan chempıonatynyń 15 týr oıyndary ótýde. Osy kezeńdegi alǵashqy tórt básekeniń barlyǵynda birdeı esep tirkeldi, dep habarlaıdy Egemen.kz.
Taldyqorǵanda «Jetisý» Aqtaýdyń «Kaspıı» klýbyn qabyldady. Báseke taǵdyryn 18-mınýtta Shafık Tıgrýdja salǵan jalǵyz gol sheshti. Onyń alystan baǵyttaǵan doby týra «toǵyzdyqtan» tabyldy. Esep – 0:1. Sońǵy kezderi jeńilisten bas kótermeı júrgen «Aqtóbe» óz alańynda áýpirimdep júrip, «Atyraýdy» utty – 1:0. Jeńis golyn 30-mınýtta Boıan Býbaııch soqty. Oralda jergilikti «Aqjaıyq» pen Shymkentttiń «Ordabasy» ábden tiresti. Qos komandanyń oıynshylary qansha jantalasqanymen, uzaq ýaqyt boıy bir-biriniń qaqpa kiltin taba almady. Tek 92-mınýtta qonaqtardyń baǵy jandy – 0:1. Bul goldyń avtory – Joan Paýlo. Dál sondaı jaǵdaı «Shahter» men «Qyzyljar» arasyndaǵy oıynda da oryn aldy. 90-mınýtta Rýslan Esimov nysanany dál kózdep, Petropavldan kelgen komandaǵa jeńis syılady – 0:1.
Búgin «Astana» (Nur-Sultan) men «Tobyl» (Qostanaı), «Taraz» (Taraz) ben «Qaırat» (Almaty) jáne «Qaısar» (Qyzylorda) men «Turan» (Túrkistan) sheberlik baıqasty. Bul kezdesýlerdiń qalaı órbigen jaıynda gazetimizdiń kelesi sanynda baıandaıtyn bolamyz.