Oblystyq polısııa departamenti baspasóz qyzmetiniń málimetinshe, «Qaýipsiz jol» jedel-profılaktıkalyq is-sharasy kezinde bir túnde mas kúıinde kólik basqarǵan 5 er adam men 1 áıel ustaldy, dep habarlaıdy Egemen.kz.
«Mas kúıde ustalǵan júrgizýshilerge qatysty QR Ákimshilik quqyqbuzýshylyq týraly Kodeksiniń 608-babynyń 1-bóligimen (Júrgizýshiniń kólik quralyn alkogoldik, esirtkilik jáne (nemese) masań kúıde basqarýy, sol sııaqty kólik quralyn alkogoldik, esirtkilik jáne (nemese) ýytqumarlyq masań kúıdegi adamnyń basqarýyna berý) ákimshilik hattamalar toltyryldy. Sot sheshimimen 5 er adam 15 táýlikke ákimshilik qamaýǵa alynyp, 7 jylǵa júrgizýshi quqyǵynan aıyryldy», dep habarlady departamenttiń baspasóz qyzmeti.
Alkogoldik ishimdik iship, rýlge otyrǵan áıeldiń bir jasqa tolmaǵan balasy bary eskerilip, ákimshilik qamaýdan bosatylǵan. Biraq, ol kólik basqarý quqyǵynan 7 jylǵa aıyryldy.