Aqtaýda mamandandyrylǵan halyqqa qyzmet kórsetý ortalyǵynyń qyzmetkeri qosalqy bólmede asylyp qaldy, dep habarlaıdy Egemen.kz.
Qaıǵyly oqıǵa ótken jeksenbide bolǵan. «Azamattarǵa arnalǵan úkimet» Memlekettik korporasııasy» kommersııalyq emes aksıonerlik qoǵamynyń Aqtaýdaǵy fılıalynyń baspasóz qyzmeti oqıǵany rastady.
Baspasóz qyzmetiniń habarlaýynsha, marqum ortalyqta baǵban bolyp jumys istegen. Ol jumystan tys ýaqytta, ıaǵnı, jeksenbi kúni esikti ishten ilip alǵan.
«Er adam esikti ishki jaǵynan jaýyp, qosalqy bólmede asylyp qalǵan.
Oqıǵa jeksenbi kúni jumystan tys ýaqytta boldy. Sýısıdtiń sebebi bizge belgisiz. Marqumnyń otbasyna kóńil aıtamyz», delingen baspasóz habarlamasynda.